ෆැෂන් බග් බඩල්කුඹුර මූලික රෝහලේ බාහිර රෝගී ප‍්‍රතිකාර අංශය නවීකරණය කරයි

0
22

ශ්‍රී ලාංකීය විලාසිතා ක්ෂේත‍්‍රයේ විප්ලවීය නවරැල්ලක පුරෝගාමී විලාසිතා ප‍්‍රදර්ශනාගාර ජාලය වන ෆැෂන් බග්25 වසරක අභිමානවත් සංවත්සරය නිමිතිකොටගෙන දිවයින පුරා තෝරාගත් රෝහල් රැසක වාට්ටු පිළිසකර කිරීමේ දැවැන්ත ප‍්‍රජා සත්කාරක වැඩසටහන් මාලාවේ තවත් එක් පියවරක් ලෙස පසුගියදා මොණරාගල බඩල්කුඹුර මූලික රෝහලේ බාහිර රෝගී ප‍්‍රතිකාර අංශය (OPD)  පිළිසකරකොට යළි ජනතා අයිතියට පත් කරන ලදී.

බහු ආගමික හා බහු සංස්කෘතික පසුබිමකින් යුතු ජනතාවක් ඉතා සමගිසම්පන්නව දිවිගෙවන කුඩා නගරයක් වන බඩල්කුඹුර ආශ‍්‍රිත ප‍්‍රදේශයේ ජනතාවගේ මූලික සෞඛ්‍ය / වෛද්‍ය අවශ්‍යතා සපුරාලන බඩල්කුඹුර මූලික රෝහලේ බාහිර රෝගී ප‍්‍රතිකාර අංශයේ දිනකට රෝගීන් 250 ක පමණ ප‍්‍රමාණයකට ප‍්‍රතිකාර සිදු කෙරේ. රෝහලේ වෛද්‍යප‍්‍රාදේශීය වෛද්‍ය නිලධාරී කාංචනා අබේවික‍්‍රම මහත්මිය සඳහන් කළ පරිදි ඌව පළාත තුළ එක් වෛද්‍යවරයෙකු විසින් ප‍්‍රතිකාර කරනු ලබන වැඩිම රෝගීන් සංඛ්‍යාව වාර්තා වන්නේද බඩල්කුඹුර මූලික රෝහලේ බාහිර රෝගී ප‍්‍රතිකාර අංශයෙනි.

ෆැෂන් බග් ප‍්‍රධාන විධායක නිලධාරී ශබීර් සුබියන් මහතා බඩල්කුඹුර නගරය හා ෆැෂන් බග් ආයතනය අතර ඇති අතීත සබඳතාවය පිළිබඳ සිහිපත් කරමින් 1994 වසරේදී ෆැෂන් බග් පළමුවන ප‍්‍රදර්ශනාගාරය බණ්ඩාරවෙල නගරයේදී විවෘත වෙද්දී අපගේ කාර්ය මණ්ඩලයට බඩල්කුඹුර ප‍්‍රදේශයෙන් පැමිණි කිහිපදෙනෙක් තවමත් අප සමග රැඳී සිටිනවා. ශ්‍රී ලාංකීය ජන සමාජයේ විශ්වාසය දිනාගත් දේශීය සන්නාමයක් විදිහට ශ්‍රී ලාංකිකයන්ගේ ජීවන තත්ත්වය උසස් කරලීම උදෙසා ෆැෂන් බග් නිරන්තරයෙන් කටයුතු කරනවා. ඒ අතර අපේ ආයතනය හා බැඳුණු පුද්ගලයන් හා ගම් නගර සියල්ල ගැන අප විශේෂයෙන් අවධානය යොමුකරනවා.” යැයි පැවසීය.

ෆැෂන් බග් විසින් බඩල්කුඹුර මූලික රෝහලේ පිළිසකර කළ බාහිර රෝගී ප‍්‍රතිකාර අංශය යළි ජනතා අයිතියට පත් කළ අවස්ථාව වෙත රෝහල් කාර්ය මණ්ඩලයෆැෂන් බග් නිලධාරීන්බඩල්කුඹුර ප‍්‍රදේශවාසීන් මෙන්ම මෙම කටයුත්තේ ආරම්භයේ සිට දායකත්වය එක් කළ ෆැෂන් බග් මුල්ම සාමාජිකයින් කිහිප දෙනකු එක්වූහ.

ජාති ආගම් භේදයකින් තොරව සහෝදරත්වයෙන් දිවිගෙවන සාමකාමී ජනතාවකට සෙවණ සලසන මධ්‍යම පළාතේ සුන්දර කුඩා නගරයක් වන බඩල්කුඹුර නගරයදශක දෙකකට අධික කාලයක් තිස්සේ කිසිදු භේදයකින් තොරව ශ්‍රී ලාංකිකත්වය පෙරටු කරගෙන ක‍්‍රියාත්මක වන ෆැෂන් බග් ආයතනික සංස්කෘතිය හා මනාව සැසඳෙයි.

ඡායාරූප විස්තරය: බඩල්කුඹුර මූලික රෝහලේ ප‍්‍රාදේශීය වෛද්‍ය නිලධාරී කාංචනා අබේවික‍්‍රම මහත්මිය, වෛද්‍ය ශාන්ත ධර්මසේන මහතා, වෛද්‍ය වාර්තා සහකාර උදේනි ශාන්ත මහතා, ප‍්‍රධාන හෙද නිලධාරිනී මල්ලිකා රාජපක්ෂ මහත්මිය, රෝහල් සේවක ප‍්‍රධානී ඞී. එම්. අයි. මල්කාන්ති මහත්මිය, ෆැෂන් බග් ව්‍යාපාර සංවර්ධන හා උපක‍්‍රමික අලෙවිකරණ අංශ ප‍්‍රධානී රමීස් මොහොමඞ් මහතා, ෆැෂන් බග් බණ්ඩාරවෙල ශාඛා කළමනාකාර සෙල්වම් සේකරන් මහතා, ෆැෂන් බග් බණ්ඩාරවෙල ශාඛාවේ හිටපු කළමනාකාර සධුර්ඞීන් සුමාවෝන් මහතා, අලෙවි විධායක ජෝන් ක‍්‍රිශාන්තන් මහතා සහ අලෙවි සම්බන්ධීකරණ නිලධාරී හසන් සවාහිර් මහතා

LEAVE A REPLY

Please enter your comment!
Please enter your name here