කෝප් කමිටුව පළමු වතාවට ඔන්ලයින් තාක්ෂණය යොදා ගනී

0
151

පාර්ලිමේන්තුවේ පොදු ව්‍යාපාර පිළිබද කාරක සභාව ප්‍රථම වරට ඔන්ලයින් තාක්ෂණය යොදා ගනිමින් ( Zoom ) අමාත්‍යාංශ 03ක ලේකම්වරුන් ඊයේ (26) පැවති සාකච්ඡාවට සම්බන්ධකර ගත්හ.කෝප් කමි‍ටුව එහි සභාපති මහාචාර්ය චරිත හේරත් මහතාගේ ප්‍රධානත්වයෙන් 26 වන දින දහවල් ආරම්භවීමෙන් පසු සෞඛ්‍ය අමාත්‍යාංශයේ ලේකම් වෛද්‍ය සංජීව මුණසිංහ, කර්මාන්ත අමාත්‍යාංශයේ ලේකම් ඩබ්ලිව්. ඒ. චූලානන්ද පෙරේරා මහතා සහ රාජ්‍ය සේවා ,පළාත් සභා සහ පළාත් පාළන අමාත්‍යාංශයේ ලේකම් ජේ.ජේ රත්නසිරි මහතා මෙලෙස ඔන්ලයින් තාක්ෂණය ඔස්සේ සහභාගී වූහ.කැලණි ගගේ ජල දූෂණය සම්බන්ධයෙන් වන විගණන වාර්තාව කෝප් කමිටුවේදී අවධානයට යොමු වූ අතර එහිදි කිසිදු හෝ තාක්ෂණික දෝෂයකින් තොරව සභාපති චරිත හේරත් මහතා ඇතුළු මැති ඇමතිවරු අමාත්‍යාංශ ලේකම්වරු සහ අනෙකුත් රාජ්‍ය නිලධාරීන් සමග සංවාදය පැවැත්වූහ.පාර්ලිමේන්තුවේ කමිටු රැස්වීම් ශාලා දෙකක මේවන විට ඔන්ලයින් තාක්ෂණය යොදා ගනිමින් රැස්වීම් හා සාක්ච්ඡා පැවැත්වීමට අවශ්‍ය පහසුකම් යොදා ඇති බව පාර්ලිමේන්තුවේ මහලේකම් ධම්මික දසනායක මහතා පැවසීය.පාර්ලිමේන්තුවේ නිලධාරීන් මාස ගණනාවක් තිස්සේ මෙම තාක්ෂණික මෙවලම් ස්ථාපනය කිරීමට වෙහෙස වූ බවත් එම උත්සාහයන් මේවන විට සාර්ථක වී ඇති බැවින් ඉදිරියේදී පාර්ලිමේන්තු රැස්වීම් ඔන්ලයින් තාක්ෂණය ඔස්සේ පැවත්විය හැකි බවත් මහලේකම්වරයා සදහන් කළේය.මෙයට දින කිහිපයකට පෙර පාර්ලිමේන්තුවේ කථානායක මහින්ද යාපා අබේවර්ධන මහතාගේ ප්‍රධානත්වයෙන් රැස්වූ උසස් නිලතල පිළිබද කාරක සභාව ඔන්ලයින් තාක්ෂණය යොදා ගනිමින් උගන්ඩාවේ රැදී සිටි කෙන්යාවේ නව ශ්‍රී ලාංකා තානාපතිවරයා සමග සාකච්ඡා පැවත්විය.

LEAVE A REPLY

Please enter your comment!
Please enter your name here