SLT-Mobitel ශ්‍රී ලංකා විදුලි සංදේශ නියාමන කොමිෂන් සභාවේ රත්නපුර ඉහළගලගම ‘ගමට සන්නිවේදනය’ ව්‍යාපෘතියට පහසුකම් සපයයි

0
61

ජාතික තොරතුරු සහ සන්නිවේදන තාක්ෂණ සහ දුරකථන සේවා සැපයුම්කරුවා වන SLT-Mobitel, මෙරට විදුලි සංදේශ නියාමන කොමිෂන් සභාව (TRCSL) විසින් අසමසම සබඳතා විසඳුම් ලබා දෙමින් ග්‍රාමීය ප්‍රදේශ සවිබලගැන්වීමේ අරමුණින් දියත් කරන ‘ගමට සන්නිවේදනය’ ව්‍යාපෘතියට සහය දෙමින් තවත් ඓතිහාසික සංධිස්ථානයක් සනිටුහන් කරන ලදි.

මෙම ව්‍යාපෘතියට මුල්ගල තැබීමේ උළෙල රත්නපුර ඉහළගලගම කඳුකර ග්‍රාමයේදී පැවැත්විණි. ශ්‍රී ලංකා විදුලිසංදේශ නියාමන කොමිෂන් සභාව හා SLT-Mobitel නියෝජනය කරමින් සම්භාවනීය අමුත්තන් රැසක් මෙන්ම මධ්‍යම පරිසර අධිකාරිය, නාගරික සංවර්ධන අධිකාරිය, ඉඹුල්පේ ප්‍රාදේශීය ලේකම් කාර්යාලය, ජාතික ගොඩනැගිලි පර්යේෂණ සංවිධානයේ (NBRO) රත්නපුර දිස්ත්‍රික් කාර්යාලය සහ ලංකා විදුලිබල මණ්ඩලය ආදී රජයේ ආයතන නියෝජනය කරමින් නිලධාරීහු රැසක් ද මෙම අවස්ථාවට සහභාගී වූහ.

විදුලි සංදේශ නියාමන කොමිෂන් සභාවේ මූලික අරමුණ වන සමස්ත ශ්‍රී ලංකාව ම 4G/බ්‍රෝඩ්බෑන්ඩ් තාක්ෂණයෙන් සවිබල ගැන්වීම මෙම ‘ගමට සන්නිවේදනය’ ව්‍යාපෘතිය මගින් සාක්ෂාත්වන බව හැඳින්විය හැකිය. මෙම ජාතික දැක්ම මැනවින් අවබෝධ කරගනිමින්, SLT-Mobitel මෙම ව්‍යාපෘතිය සමඟ අත්වැල් බැඳගැනීමට පෙරමුණ ගෙන ඇත.

විදුලි සංදේශ නියාමන කොමිෂන් සභාව සහ SLT-Mobitel සබඳතාව පිළිබඳ එම සමූහයේ ප්‍රධාන විධායක නිලධාරී ලලිත් සෙනෙවිරත්න මහතා සිය අදහස් පළ කළේය. “SLT-Mobitel යනු තොරතුරු සන්නිවේදන සහ තාක්ෂණික පරිසරයට අපගේ විශේෂඥ දැනුම ඒකාබද්ධ කරමින් විදුලි සංදේශන යටිතල පහසුකම් සහ සබඳතා හරහා මෙරට සංවර්ධනය වෙනුවෙන් කැපවූ සමාගමක්. ජාතික තොරතුරු සහ සන්නිවේදන සේවා සැපයුම්කරු ලෙස අප විදුලි සංදේශ නියාමන කොමිෂන් සභාවේ අධ්‍යක්ෂ ජනරාල් ඕෂධ සේනානායක මහතාගේ කැපවීම අගයකරන අතර ශ්‍රී ලංකාව ඩිජිටල් පරිණාමයේ මීළඟ අදියර දක්වා ගෙන යාමට විදුලි සංදේශ නියාමන කොමිෂන් සභාවට අවශ්‍ය සහයෝගය ලබා දීමට අඛණ්ඩව කටයුතු කරනවා.”

මෙහිදී අදහස් පළ කළ විදුලි සංදේශ නියාමන කොමිෂන් සභාවේ අධ්‍යක්ෂ ජනරාල් ඕෂධ සේනානායක මහතා සඳහන් කළේ, ‘ගමට සන්නිවේදනය’ ව්‍යාපෘතිය හරහා ශ්‍රී ලංකාව තිරසර සහ නවීන සබඳතා යටිතල පහසුකම්වලින් සවිබලගන්වමින් ඩිජිටල් පරිණාමය දක්වා ගෙන යාමට අත්වැල් බැඳගත් සියලු ම විදුලි සංදේශ මෙහෙයුම්කරුවන් සහ පාර්ශ්වකරුවන් හට සිය කෘතඥතාව පළකර සිටින බවය. දීපව්‍යාප්ත සබඳතාවක් ස්ථාපිත කිරීම හරහා ශ්‍රී ලංකාව ඩිජිටල් ආර්ථිකයක් සහ ස්මාර්ට් සමාජයක් වෙත ගමන් කරවීමේ මග විවර කළ හැකි බව ද ඒ මහතා මෙහිදී වැඩිදුරටත් සඳහන් කළේය.

මෙරට සන්නිවේදන පහසුකම් බලගැන්වීම සඳහා ශ්‍රී ලංකා විදුලි සංදේශ නියාමන කොමිෂන් සභාවේ අධ්‍යක්ෂ ජනරාල් ඕෂධ සේනානායක මහතාගෙන් සිදුවන සුවිසල් සේවාව හා කැපවීම ඇගයුමට ලක්කරමින් ඒ මහතා වෙත SLT-Mobitel ඉහළ කළමනාකරිත්වය විසින් ඇගයුම් සමරුවක් ප්‍රදානය කිරීම ද මෙහිදී සිදු වූ සුවිශේෂී සිදුවීම් අතර වෙයි.

LEAVE A REPLY

Please enter your comment!
Please enter your name here